Жастар мемлекет саясатын қолдайды
Другие рефераты
АЛМАТЫ. Қарашаның 2-сі. BNews.kz
– Мемлекеттің жастар саясатына байланысты атқарып отырған жұмысын қолдаймыз. Бұл туралы бүгін Алматыда өткізіліп жатқан «Жастар болашаққа нық сеніммен!» атты «дөңгелек үстелде» қаладағы №79 орта мектептің ағылшын тілі пәнінің мұғалімі Алма Игілікова айтты, деп хабарлайды BNews.kz тілшісі.
«Мемлекеттің жастар саясатына байланысты атқарып отырған жұмысын қолдаймыз. Оған бөлініп отырған қаржы жеткілікті. Біз Жастар саясатының одан әрі дамуына тілектеспіз. Осы салада жастар кейінгі кездері белсенді түрде игілікті жұмыстар атқарып жүр», — деп атап өтті А. Игілікова.
Мұғалімнің бұл пікіріне жастар да қолдау білдірді. Әл-Фараби атындағы ҚазМУ жастар ұйымының жетекшісі Данияр Сүндетбаев: « Кейінгі кездері Интернет, басқа да БАҚ құралдары арқылы жастардың атын жамылып сөз айтатындар шығып жүр. Олардың көтеріп жүрген мәселелерінің бәріне бірдей біз қосылмаймыз. Жалпы, біреудің атынан сөз айту этикаға жатпайтыны беліглі. Барлық жастардың атынан сөз айтудан бұрын, сол жастармен келісіп, санасып, пікірлерін біліп алу керек еді. Мұндай жағдай болашақта қайталанбайды деп ойлаймын. Біз қандай жағдай болмасын, мемлекеттің саясатымен санасамыз және сол саясаттың шеңберінде ғана өз пікірімізді білдіреміз», — деп түйіндеді ол өз сөзін.
Аталған «дөңгелек үстелді» ұйымдастырып отырған «Заңғар» шығармашылық бірлестігі.
| |  скачать работу |
Другие рефераты
| 
